Спортах лаьца дувцаш, дӀадоладир керда кӀира
10.03.2025 13:00
Республикан а РФ а байракхаш айеш, дӀадоладир вай мехкарча колледжашкара, ишколашкара керда кӀира. Иштта дӀайихьар Россе спорт йоаржаяра тӀатовжаш йола «ЛоархӀаме къамаьл» яха урок.
Из хоам «Сердалога» бир республикерча Минобра зарбан болх лелабераша. «Урока керттера декхар - кагирхошта, берашта юкъе спортацара бувзам чӀоагӀбар, хӀара сага вахаре спорт мел лоархӀаме я дӀахайтар.
Мехкарча тайп-тайпарча спорта доазоний, саг массахана дегӀа доал деш, спортаца лоархӀам лелабеш хила везилга белгалдир кхетаче»,- йоах хоамо.
Къаьстта йоккха терко тӀайохийташ дийцар ишколашка, кхалешка дӀакхухьача спорта яхьех; из гӀулакх доаржадеш, ший ханара бераш цу гӀулакха юкъеозаш хила веза хӀара дешархо.
