СВО доакъашхой даьй, ноаной могашала терко ю вай мехка
19.11.2025 09:23
Тӏема операце доаькъашхой даьшта, ноаношта эшар фуд хьожаш; цар унахцӏенон хьала терко еш, болх лоаттабу тахан вай мехка. Ж1айрахьа кхалерча дарбанче СВО доакъашхочун нана ӏоюжаеш къахьийгар «Даьхен лорбой» яхача ганза моттигерча филиала болхлоша.
«Дегӏа могашал лораяра тӏехьа царна эшар ӏалашде хьожаш ба ганзе. СВО доакъашхо волча Налганаькъан Мухьмада дехар даь, операци яьчул т1ехьагӏа меттая езаш йола цун нана дарбанче хьалйигар.
Бӏухочун нанна мел эшар хургдолаш, лакха терко лоаттаеш, цун хьашташ кхоачашдергдолаш, хьежар ганзера къахьегамхой», - дийцар тха газетага цу моттигера.
