СВО доакъашхошта дарбанчешка гӏо лоаттадар тоаде лерхӏ
Нальчике дӏайихьача Къилбаседа Кавказа СВО доакъашхой могашал меттайоалаеш гӏо лоаттадарах дувцача кхетаче дакъа лаьцар, «Даьхен лорабой» яхача ганза кулгалхочун гӏонча волча Чаненаькъан ӏалихана. Из хоам «Сердалога» бир ганза болхлоша.
«Кхетаче дийцар СВО ветеранашта санаторе, курорте могашал меттаоттае гӏо дарах, иштта дарбанчешка царга хьажар а лакхача боарам тӏа хилийтарах. Къаьстта йоккха терко еш дийцар, бӏухой унахцӏено меттаоттаеш царца къахьегарах, цар оагӏув хьаллацарах», - йоах хоамо. Къилбаседа Кавказа моттигашка цу оагӏонца дувзаденнараш лерттӏа тоадеш чакхбаккха безача балхах дийцар гулбеннараша.
«Ганза филиалашта хьалхашка латта декхар да, бӏухой хьал довзаш, ханнахьа доагӏаш дола дарба чакхдаккхар, царна эшачунга хьажар. Ханнахьа гӏо даро сихагӏа меттабоалабергба ветеранаш, шоай вахарера гӏулакхаш дӏадоладе йиш хургья цар, гаьна ца боалаш», - белгалдир Гӏаьбартой-Балкхарой мехкарча «Даьхен лорабой» яхача ганза кулгалхочун гӏонча волча Вылегжанин Сергейс.
