Мехкара керттера наькъаш тоадеш латт
02.10.2024 09:37
Республикера керттера наькъаш тоадеш бола болх ба дӀахьош. ГӀажарий-Юртарча администрацена тӀабодаш бола никъ тоабеш, боахк къахьегамхой. Из хоам «Сердалога» бир кхален администрацера.
«1000 метрага кхоачаш болча Овшанаькъан цӀи лелаеча урам тӀа асфальт Ӏобиллаб. Юрта доал деча Чахкенаькъан Османа белгалдечох, цхьа кӀира даьлча, кӀалха уллачун цхьаькха никъ ӀотӀабулларгба.
Цул совгӀа, урам мелаб лампаш йохкаш, цу оагӀонцара болх дӀахьош боахк тахан», - йоах хоамо.
ГӀашлой никъ дикка сийрдабоаккхаш хургья урам тӀара лампаш. Администраце тӀабодаш бола никъ паргӀата, машинашца, гӀаш леларий хьал тоадеш хургба.
