Хьун хьал лорадеш бола болх тоабеш латт республике
12.12.2024 10:39
Iалама гIулакхех йолча министерствос, «Рослесозащита» яхача ФБУ филиала хьун боахама балхаш дIакхахьара бувзам чIоагIбир. Из хоам «Сердалога» бир ювцача министерствон болхлоша.
«Хьун боахаме дIадахьа дезача балхашта къоастам бергба, цул совгIа, диъ тайпара кердадараш юкъедоаладергда царна. 2025-ча шера чакхбаккха беза болх белгалбеш, каьхат оттаде деза», - йоах хоамо. Ер шу йистедалале хувца дезар хийца, кердадараш юкъедоаладаь, кийча хила беза из болх.
2023-ча шера соцам баьбар; ЮФО, Рослесхоза хьун боахама Департамента хьаллаьца цхьацца хувцамаш юкъедоаладе, аьнна. Хьун хьал тоадергдола, лорадеш бола болх дIабахьа кийчлуш ба цу мугIарера къахьегамхой.
