КъайлагӀа болх лелаберашца, къовсам лоаттабу
ГӀалгӀайчен бахархошта хьалхадоаккх, нагахьа санна лаьрххӀа болча Ӏаьдала балха хилча мара пенсионни ахчан Ӏодижар хургдоацилга. Мехка боахамашта юкъера комисси вӀашагӀъеллай, къайлагӀа болх лелаберашта тӀахьожам лоаттабергболаш, наха а иштта царна болх лоаттаберашта а из хьал ма дарра дӀадовзийташ бола болх дӀахьу, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Даьр фуд цу даькъ тӀа? КъайлагӀа болх беш вола 680 саг гучаваьккхав, царех 144 лаьрххӀача балха оттаваьв; цхьаннахьа дӀаязъяь а йоацаш, болх беш йола 323 моттиг гучаяьлар, царех 107 сага ший болх хилар тӀачӀоагӀдир»,-аьлар Келаматанаькъан Махьмуд-Ӏаьлас, цу хьалах дувцаш.
Цу тайпара болх Ӏаьдало дӀахьош хиларах; нах болабеннаб, бокъоно дӀадехаш ма хиллара шоай болх дӀачӀоагӀ а беш, баха а къахьега а; цул совгӀа, царна дика хьалаш а лоаттаду, кхерамзлен Ӏалашо а ю.
