Юрташка бахача наьха ахчанца дувзаденна гӀулакхаш тоадергда
ГӏалгӀай мехка «наькъа карта» яха чӀоагӀо яьй, цо таро хулийт юрта бахача наха ахчанца дувзаденна гӀулакхаш леладе. Каьхата кулг яздаьд ГӏалгӀай Республикан Паччахьалкхен Председатела Сластенин Владимира, иштта моттигерча Россе Банка даькъа кулгалхочо Ужахьанаькъан Мухьмад-Бека.
Сластенина белгалдир, цхьана болх бар - из моттигерча бахархошта мах балара хьалаш леладар аттача даккхара деш да.
«Ахчан хьалаш массанега кхоачаш хила деза, кхыметтел эггара гаьнагӀа йолча моттиге а, наха шоай хьашташ кхоачашдергдолаш», - аьлар премьер-министра.
Карарча шера «наькъа карта» хиларо гӀо дергда ЖКХ Ӏаьдала декхар дӀалуш, интернет-дӀакъовлаш, моллагӀа ахчанца леладеш дола гӀулакх картага гӀолла кхоачашде. Тика чу, ишколашка, юртарча офисашка картага гӀолла ахча дӀадала йиш йолаш хилар наха тахан эшаш да.
