СВО веннача ГӀалгӀай мехкарча шин бӀухочунна дагалоаттама сийленгаш оттадир
13.02.2025 16:59
ГӀалгӀайчен Вежарий-Юртарча №10 йолча юкъерча ишколе «Турпалхочун Парта» хьайийллар, из хетадир Украине лаьрххӀа йола операци дӀахьош веннача шин бӀухочунна, яхаш, дийцар «Сердало» газетага «Даьхен лорбой» филиала ганзо.
«Турпалхочун Парта» хьайийллар МагӀалбика кхале, цо хьагойт из ишкола яьккха хиннача Султиганаькъан ИбрахӀима, ЧӀенахой Ислама сий деш хилар, уж хьалхарча тӀема мугӀаре латташ дӀабахар денал, майрал гойта.
ЛаьрххӀа кхетаче дакъа лаца баьхка хилар царца деша баьгӀа кагий нах, цар хьехархой, гаргара нах, иштта «Даьхен лорбой» ганза болхлой.
Белгалду, сийлен парта тӀа ховшабир дикагӀа бола дешархой.
