Йоккхача Ачалкхерча № 17 йолча ишколе болх беш дукха шераш дӀаденнача Булгучанаькъан Ювсапа вахара никъ дагалоацаш, ишкола коа 25 га дӀаегӀар дешархоша.

«Эскаре амал деча хана, фецара бӀухо волаш чакхваьлар Ювсап. Эскарера цӀавеначул тӀехьагӀа а, сигаленцара безам дӀа ца боалаш, из гӀулакх дега мерзденна парапланашца гӀетташ, авиакомпане шоллагӀа вола пилот волаш, болх беш хилар из. Укх бетта 1-ча дийнахьа цун гӀаттар тӀеххьара хилар. Ше хьаяьча парапланаца Ачалкхера ТӀой-Юрт йолча оагӀорахьа дӀалеставар из.

Наьсарен кхален гувнаш тӀа, еха чуежар параплан, из дог майра, мел вовзарашта везаш хинна саг кхелхар», - дийцар «Сердалога» дагалоаттама кхетачен юкъе дакъа лоацаш хиннараша. ГӀетташ дола гӀулакх майрача наха мара дезалуц!

Ишколе ше болх беш даьккхача 25 шера, кӀаьнкашта хоза масал долаш, денал яха хӀама царна дезадолийташ, дерригача берий дегашка Даьхенцара безам чӀоагӀбе хьожаш, чакхваьлар Ювсап. Дуккха дикаш шийна тӀехьа дита, дӀавахар из дог майра, деналах визза хинна саг.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде