ТӀема операцен юкъе, вахар хаьда мехкахо дагалаьцар ишколе
СВО юкъе вахар хаьда Бохтаранаькъан Мухьмад дагалаьцар республике. Наьсарерча цо дийшача ишколе хьадийллар цун цӀерах дола дагалоаттама улг. Из хоам «Сердалога» бир «Даьхен лорбой» яхача ганза филиала.
«Хьехархой, ганза болхлой гулбеннабар цига. Массане дегашка тешаме, дика новкъост, майра бӀухо волаш ваха висав Мухьмад. Цунца цхьана дешаш хиннараша хозача дешашца дагалаьцар шоай новкъост, цун беркатеча оамалех дувцаш. № 3 йолча ишколе дешаш хилар из 1995-ча шерга кхаччалца, тӀаккха дӀавахар Кадетски корпусе дӀахо деша; бакъда, дегӀа могашал дика ца хиларах, ше дешаш хиннача ишколе юхавера», - дийцар кхетаче.
2022-ча шера гуйран кхоалагӀча бетта 6-ча дийнахьа Донецкерча тӀема операцен юкъе вахар хаьдар вай мехкахочун. РФ Президента амарца, цунна елар «Денал хиларах» яха орден.
