КӀоагаш доахка 800 кв. метр никъ тоабаь баьннаб
БӀаьстан хоза ха латташ хиларах, ГӀалгӀайчен наькъашка деш дола балхаш сихденнад. 2024 шу доладелча денз, наькъаш тоадаь йистедаьхад 800 кв. м долча доазон тӀа, яхаш, дийцар «Сердало» газетага ГӀалгӀай Республикан зарбан болх лелабераша.
«ГӀалгӀайчен Минавтодора каст-каста хьожаш, наькъашка нийслуш дола кхоачамбоацараш юстардоах. Бакъда хӀанз юрташкарча наькъий хьалаш кхы дикачарех дац. Шоаш болча даькъ тӀа из болх лерттӀа вӀашагӀболла беза кулгалхоша», - аьлар республикан кулгалхочо Келаматанаькъан Махьмуд-Ӏаьлас, ше цу балхах дувцаш.
Цо белгалдир цу лостамагӀа болх дика дӀахьош хилар, из го йиш я, мехка юрташка дӀа-юха водаш хилча. Уж я «Пхьилекъонгий-Юрт-Ачалкхе», «Оалкам-Мужече», «МагӀалбик-Махьмад ХитӀе», «Эккажкъонгий-Юрт-Ӏаьлий-Юрт». ДаьттагӀа, ЖӀайрахьа бодача наькъ тӀа; Наьсарен, Илдарха-ГӀалан, Шолжа урамашка водаш хилча, тоабаь хоза никъ гуш ба.
