Полице болхлочоа кхаъ бала гӏийрта доазол арахьара саг суде кхаьчав
Полице болхлочоа кхаъ бала гӏийртача кхыча паччахьа карарча вахархочун гӏулакх тохкаш ба тахан, республикерча Лакхерча суде. Из хоам «Сердалога» бера МВД болхлошкара. «Суде белгалдечох,
2024-ча шера ардара бетта 21-ча дийнахьа полице болхлочоа 80 эзар сом кхаъ бала хьежав из саг, ший кхаь мехкахочунга къахьегама бокъо цахиларах, иштта кхыдолча гӏулакхашта тӏагӏолла ӏаьдала болхлоша хӏама аргдоацаш», - йоах хоамо.
Хӏаьта полице болхлоша «Тӏахьажар» яха ОРМ болх дӏабихьар. Ахча дӏаденначул тӏехьагӏа из саг дӏалаьцар.
Кхален судо цу гӏулакха бехке веш, цӏагӏа волаш такха 4 шу суд йир цунна; бакъда, прокурора из сов кӏаьда да аларах, мехкарча Лакхерча суде набахта такха езаш оттавир из теха ха.
Цул совгӏа, ӏаьдала болхлочоа кхаан лаьрхӏӏа дала гӏийрта ахча паччахьалкхен гӏулакха дӏачудахийтар.
