ГӀалгӀайчен ГИБДД хиннача болхлочунна, судо баь соцам лира ба
13.06.2024 14:54
Республикан МВД ГИБДД МРЭО хиннача кулгалхочунна, цо кхаъ эцарах ГӀалгӀайчен Магасерча судо баь хинна соцам лира ба, яхаш, дийцар «Сердало» газетага ГӀалгӀай республике гӀолла йолча Россе СК СУ.
«Тохкамхоша, судо гучадаьккхар 2019 шера, бехке веш волча болхлочо моттигерча вахархочунгара 30 000 сом ахча дийха хилар, водитель хилара тешал ду каьхат даккхар духьа.
Из хьалаьцар УФСБ моттигерча болхлоша, кхаъ луча хана», - йоах цигара хьабайтача хоамо.
ГӀалгӀай Республикан Лакхехьарча судо хийцар хьалхагӀа Магаса кхален судо цу сага 4 шу, мукъа вуташ, ха тоха баь хинна соцам. Хиннача ГИБДД болхлочун из ха яккха езаргья юкъарча набахта воаллаш.
