«Сердало» газетага ма аллара, моттигерча бахархошкара дукха лоткъамаш даьхкадар ЭсамбаевгӀар урам тӀара никъ дика цахиларах. Цига дукха ха йоацаш хьайийллача юкъарча дешара моттига тӀабодаш бола никъ тоабе безаш ба. Асфальт а бац цига; цул совгӀа, кӀоагаш а доахк.

Из хаттар кхоачашдара, ГӀалгӀайчен региона урхаллен центра кхайкарал дир, МагӀалбика кхален администраце, цига аьлар 2025 шу хьа долалуш цига ремонт е лаьрхӀа хилар.