Нах хатарех лораберий ди долаш, цӀийоаераша кӀаьнка дагалаьттар кхоачашдир
27.12.2024 15:12
ГӏалгӀайче, шоай профессиональни цӀай долаш, кӀаьнка дагалаьттар кхоачашдир нах хатарех лорабераша. Из вар цӀи йоаеш вола болхло хила ловш.
Магаса ийслагӀча цӀи йоаяра даькъага, цох хоам бир, нах цӀерах кӀалхарбаха ловш волча пхи шу даьннача Хьасана нанас Лизас.
Цӏи йоаераша хьоашалгӀа вийхар кӀаьнк, цунна дийцар цӀи йоаерий балхах лаьца, шоай балха тӀа лелабу тӀабувхабу гӀирс гойтар, из цунга тӀа а бувхийта, мишта товш ба а хьежар. Цул совгӀа, шахьаре гӀолла цӀийоаерий машинаца хаьхкар.
Юххера а, цӀийоаераша совгӀаташ делар цунна, кӀаьнк чӀоагӀа гӀадвахавар.
