«Шера говзанча» яха мехка яхь дӀайолалу тушола бетта
18.02.2025 15:46
2025 шера тушола бетта денз «Шера говзанча» яха Ерригроссийски яхь дӀахьу юкъерча балха говзалаш Ӏомаеча дешара моттигий хьехархошта лаьрхӀа, яхаш, дийцар «Сердало» газетага мехка дешара Министерствон зарбан болх лелабераша.
Яхь дӀахьош я 2021 шера денз, из я дешара даькъ тӀа хьалхалатта кӀоаргагӀа йола уйлаш йоаржаяра, дикагӀа бола хьехархой болх юкъебаккхара, иштта хьехархой балхашцара лерхӀам лакхбара йола майда.
«Шера говзанча» яха яхь вӀашагӀъеллай Российский Федераце, дешара Юкъарча российски профсоюза, Федеральни оператор-профессиональни дешар дегӀадоаладара Институто.
