Маьхашта тӀахьожам лоаттабу Рамадан бетта
11.03.2025 10:28
Наха эггара дукхагӀа ийбеш болча кхачан маьхашта тӀахьожам лоаттабеш болх дӀакхухь вай мехка. Цу гӀулакха лаьрхӀа арабаьнна лелаш болхлой ба вайцига.
Илдарха-ГӀалий тӀарча администраце зарбан болх лелабераша белгалдечох, Рамадан бетта эггара дукхагӀа наха ийбеш болча кхачан маьхаш ай ца дайташ, тӀахьожам лоаттабу шахьаре.
«Тикашка, базарашка гӀолла гобаьккха маьхашка хьожаш, хӀама йохкарашца къамаьл деш болх дӀабихьар лаьрхӀа араяьннача тоабо. Базархошка кхайкарал ду; иштта езача хана маьхаш урагӀ ца кхухьаш, наьха хьалах кхеташ, къахетамегӀа хила, яхаш.
Къайле яц, къаьстта Рамадан бетта маьхаш айдераш вайна юкъе кӀезига боацилга, ма хулла хӀама совдаккха гӀерташ, бусалба сагага вӀалла товш, доагӀаш хӀама дац из!
