СВО доакъашхой дезалий могашал лоархӀаме я вай мехка
10.05.2025 13:43
ТӀема операцена юкъе дакъа лоацаш болча бӀухой цӀагӀарча наьха унахцӀенон хьал теркалдеш, царна могаш дола гӀо деш ба «Даьхен лорбой» яхача ганза мехкарча филиала болхлой. Из хоам «Сердалога» бир цу моттигера.
«Украинерча тӀема операце бӀухочун нана Янданаькъан Мовлатхан дега лазар долаш я, цун цӀен-даьна Паркинсона оала хала лазар да. АргӀанара дарба чакхдаккха дарбанче Ӏобувшабе лаьрхӀар уж. ЖӀайрахьен кхалерча дарбанчен кулгалхочунца дийца, массехк ди далале вӀаштӀехьадаьккхар из гӀулакх», - дийцар тха газетага.
«Бахархой дехар ма хулла сихагӀа кхоачашде, низ кхоачаш дола новкъостал де хьож тхо, къаьстта йоккха терко е езарех да унахцӀенон хьал», - дийцар филиала кулгал деча Оздой Муслима.
