ГӏалгӀайче пхезлагӀа дӀахьу дикагӀа болча доалахьарча боахама яхь
ГӏалгӀай мехка аьтинга бетта 13-ча дийнахьа денз, дӀайолалу дикагӀа болча доалахьарча боахама яхь, из бахархошта Ӏадат хинна дӀаэттай. Хӏара шу массаза доал яхьашка бала безам бараш совбоалаш боагӀа: нагахьа санна 2021 шера цу юкъе дакъа лоацаш 192 саг хиннавале, дӀадахача шера дехараш чуденнараш 570 саг вар.
ГӏалгӀайчен кулгалхочо Келаматанаькъан Махьмуд-Ӏаьлас ше тешаш ва аьлар, карарча шера яхьо гӀадвугаргхиларах, доалахьара боахамаш леладераш тӀакхийтта хиларца.
«Кхелахоша мах оттабергба хьувкъама, беша доал деш хилара», - аьлар мехка кулгалхочо.
СовгӀатий фонд я 3 млн сом. Котбаьннарашта ахчан совгӀаташ лургда: 500 эзар сом хьалхарча моттигах, 300 эзар сом шоллагӀча моттигах, 200 эзар сом кхоалагӀча моттигах. Цул совгӀа кхы 20 доакъашхочоа лургда 200, иштта 50 эзар сом.
