Лаьттан кӀалхара хий Ӏоаду гӀув яьй СоагӀапча
20.02.2025 11:27
Ахкан хана хица кхоачамбоацараш хургдоацаш, лаьттан кӀалхара хий Ӏоаду гӀув оттайир СоагӀапча.
ГУП «ЦаӀ вола оператор» яхача хий лоаттадеча оагӀон болхлоша, Мержой Арсмак хьалха волаш, дика дӀачакхбаьккхар из болх. Трансформатор, иштта кхыдола гӀирсаш оттадир цига дикагӀа болх бергболаш.
Из хоам «Сердалога» бир мэре болхлоша. Юрта айеннача моттигашка бахарашта хий лоаттадергда цо. Белгалде деза, къаьстта ахкан хана цига из гӀулакх халача оагӀорахьа дерзилга. Вай Мехкадас Келаматанаькъан Махьмуд-Ӏаьлас тӀадилла чакхйоаккхаш проект я из.
