ГӏалгӀай мехка 45-50 центнер гекатара тӏара кӏа чуийцар
Республике массаза cанна дӀайолаяьй ялат чуэцара кампани. Хьалхара толамаш долаш да.
ГӏалгӀай Республикан юртбоахама Министерствон зарбан болх лелабераша яхачох; кӀа, мукх, кен дика хиннаб ала йиш йолаш ба - 45-50 центнер цхьан гектара тӏа.
Хоам бу, карарча хана керттера декхар ахархоша оттаду, ялата лаьрхӀа йола хьажкӀаш чуэца. Наьсарен кхален Тӏой-Юртарча «С. Орджоникидзе цӀерагӀча» ООО балхага хьежар юртбоахама Министерствон зӏамагӀча боахамашца механицазе болх бара, баьцовгӀай даькъа кулгалхо Оздой Заьлмаха.
Укхаза я хьажкӀаш 85 гетара тӀара. Цу боахаме хьажкӏаш юкъера дӀалаьрхӀача 40-41 центнер йоал гектара тӀара.
«Республике гӀолла кӀин лаьрхӀа 18 эзар гектар хьакъоастаяьй. Царех 7 эзар гектар тхо чуийца даьннад. Балхаш дӀадоладаьд карарча шера тӀоадал латтарах массехк тӀехьагӀа, иштта хилча кхай тӀа болх бе таро хилац, хӀана аьлча, кӀа сиха талх.
Белгалде деза, карарча шера ка бола ялат дикагӀа хиннад. Дӏадахача шера ахархошта хьалхашка йокъал латтарах халонаш нийсъеннаяле, карарча шера хаоттам дикагӀа хилар, цудухьа ялат а дикагӀа хилар», - аьлар Оздой Заьлмахас.
