ГIалгIай мехка тIема бIухочунна дарба де гIо дир
21.10.2024 11:56
ГIалгIайчен «Даьхен лорбой» оалача ганза филиало новкъостал ду ТIой-Юрта вахача тIема ветерана Сурхойнаькъан Султан-Гирена дарба де, яхаш, дийцар «Сердало» газетага цу моттига зарбан болх лелабераша.
«Сурхойнаькъан Султан-Гири дукха дарба деш хилар Севастополе, Санкт-Петербурге. ХIанз социальни гIо дара волча Овшанаькъан Накира новкъостал а деш, дарба деш ва из ЖIайрахьа кхален дарбанче. Лораша лаьрхIачох, из республикан цхьан санаторе салоIаш а хургва», - аьлар «Даьхен лорбой» ганза кулгалхочун гIончас Новрбенаькъан Фаринас.
Белгалду, Херсонски областе Крынки яхача юрта тIема гIулакх дIахьоча хана, Султан-Гири чIоагIа лозавир, цхьадола цун дегIаца хинна пхорч лорашта арадаха а маганзар.
