Илдарха-ГӀалий тӀарча дешархошца кхетаче дӀайихьар тӀема операце ветеранаша
Даьхенцарча безамах, цун хӀама лорадеш латтарах дувцаш, кхетаче дӀайихьар тӀема ветеранаша шахьарерча дешархошца. «Сердалога» из хоам бир «Даьхен лорбой» яхача ганза моттигерча филиала зарбан болх лелабеча Джанхотанаькъан Мадинас.
«Дешархошца къамаьл де баьхкараш бар Хамхой Ӏалихан, Амаканаькъан Хьусен, Темирханаькъан Ӏамархан. «Библиобийса» яха культурацара кхетаче хьаллоацаш, Даьхен гӀулакха латтар, цун сий дар хӀара сага вахаре мел лоархӀаме да дийцар хьаьшаша. Эскаре амал дарца, тӀема аренашкарча доттагӀалца, вай къаман бӀухоша гойтача майралца дувзаденна хаттараш дар дешархоша тӀема ветеранашка тийннараш», - йоах тхога бенача хоамо.
Ганза филиала болхлоша шахьара библиотеканна делар «Даьхен лорбой» яхча Паччахьалкхен ганза арахийца «Лакха сийле - эрсий тӀема гӀирс лелабар» яха книжка.
