СВО ветераний кхетаче хилар дешархошца

ГIалгIайче дIахьош ба «Даьхен лорбой» яха болам. Иштта ЛаьрххIача операцен бIухой кхетаче хилар Наьсарен ишкола дешархошца, яхаш, дийцар «Сердало» газетага «Даьхен лорбой» яхача ганза кулгалхочун декхараш кхоачашдеш йолча Новрбенаькъан Фаринас.
«Цу тайпара кхетаченаш дIахьош хилара бахьан да, цох дешархошта масал хилар. Шоай дувцар, №15 йолча юкъерча ишкола дешархошца тIема ветеранаш Д. Расула, Т. Хьусена, Х. Мухьмад-Башира доладир шоашта тIем тIа а эскаре а нийсденнар довзийташ. ГIалгIайчен «Даьхен лорбой» ганза филиала болхлочо Тиймарзанаькъан Луизас яхачох, хIара бIухочун дага ший тIема новкъост ва, цунна лакха мах а оттабу, цхьайолча хана шоай са цунна хьалхара Iодилла кийча а хул бIухо», - аьлар из кхетаче вIашагIъеллараша.
ДIахо къамаьл деш, хьаьшаша дийцар терроризмаца, наркоманеца дувзаденна дешаш. БIухошка ладийгIачул тIехьагIа, цар кхетадир, вахар унзара хьал из хилар.