Кхаъ бала гӀийртар бехктокхаме эзар
11.10.2024 10:14
Ӏаьдала болхлочунна кхаъ бала гӀийрта Илдарха-ГӀалий тӀара яхархо бехктокхаме эзар. «Илдарха-ГӀаланна чуйоагӀача кхален судо белгалдир, шахьарерча Кирова оалача урам тӀа йоаллача тика чу цу кхалсага «С серебром» яха корта бохабу малар дехка хилар, из дохка бокъо луш дола цхьаккха каьхат а доацаш», - йоах хоамо.
Тика чу чухьежача, полице болхлочоа гучадаьлар кхы а 19 шуша малар. Из зулам къайладахьа гӀерта, корта бохабеча маларца базар лелаер Ӏаьдала болхлочоа 13 эзар сом кхаъ бала гӀертар, цо из хӀама къайлахьоргдолаш. Полице болхлочо деррига ший кулгалхошка дӀадийцар. Диъ шу суд йир цунна Ӏаьдало, ший цӀагӀа йолаш такха езаш, цул совгӀа, 260 эзар сом гӀод дӀатакха дезаш я из.
