АЗС даьна административни бехк бир
Жӏайрахьа кхален прокуратура соцамах коммерчески организаце кулгалхо административни бехктокхаме эзав, АЗС даькъ тӀа кхерамзлен Ӏалашо цахиларах, яхаш, дийцаор «Сердало» газетага республикан тӀахьожамхоша.
Жӏайрахьа кхален прокуратура тӀахьожама болх дӀабихьар, «БЭСТ» ООО автомобильни заправка станце.
«Федеральни законо АЗС даькъ тӀа цӀи ялара кхерамзлен Ӏалашо яр телхадеш хилар чӀоагӀдир, цига инструкци цахилар, цӀи йоаяра хьалхарча аргӀагӀа хила дезар дӀаяздаь журнал цахилар, цӀи йоаяра хьалхарча аргӀагӀа леладеча гӀирсаш тӀа таьрахьаш ца хилар», - аьлар хоамо.
Уж кхоачамбоацараш дӀа а лоархӀаш, прокуратуро цу тӀехьа боагӀаш бола болх бир. Цига гучадаьха кхоачамбоацараш юкъера дӀадаьхар, бехке волчунна 20 000 эзар сом гӀод техар, из хӀанз паччахьалкхен болча пайданна дӀачуденнад.
