ГӀалгӀай мехка юха а «Зизай фестиваль» яха яхь хургья
03.06.2025 23:08
ГӀалгӀайче кийчлуш я начӀал долча наха юкъера цхьаькха яхьаш дӀайолае. Аьтинга бетта 13 дийнахьа денз дӀайолалу «Зизай фестиваль», из лаьрхӀа я бешамаш лелаяра тӀера болча наха. Котваьнначоа дала оттадаьд 1 миллион сом
«Уж яхьаш хинна а Ӏац, из шийна гонахьа хозал хьакхолларах бола болх ба. Кхы а дика таро я из шоашта ховш дар наха юкъедаккха, довзийта», - аьлар ГӀалгӀайчен кулгалхочо Келаматанаькъан Махьмуд-Ӏаьлас. Цо иштта ше тешаш ва аьлар, карарча шера кхелахошта гургхиларах хоза, сийрдаяьха, зизашца тоаяь коашкара моттигаш.
«Зизай фестиваль» дӀахьош я кхозлагӀа, хӀара шера цо тӀаоз дукхагӀа начӀал дола нах, уж кийча ба шоай коара хозале гойта, из нахаца екъа.
