АНО оагӀув хьабелларах, дийцар вай мехка
Паччахьалкхен лоархӀаш доацача дешара гӀулакхех йолча Ассоциацена кулгал деча Ахмедова Гулисарайца кхетаче дӀайихьар дешареи Ӏилмани гӀулакхех йолча Министерствонна кулгал деча Цхьорой Ахьмад-Башира. ВӀашагӀкхетаре дийцар, вай республике из тайпара оагӀув хьабелларах. Из хоам «Сердалога» бир министерствера.
Республикера дешарцара хьал дикка меттадоаладеш хургда из гӀулакх. Кхетаче белгалдир, паччахьалкхен, паччахьалкхен йоацача моттигаша вӀаший бувзам лелабеш болх дӀабахьарах, цох баргболча пайдах. Цхьорой Ахьмад-Башира хьоахадир, из беркате хургбола бувзам хьаллаца, моллагӀа эшаш дола гӀо де ше кийча волга», - йоах тхога кхаьчача хоамо.
Паччахьалкхен лоархӀаш доацача дешара Ассоциацен оагӀув вай мехка хьабелларах дийцадар бӀаьстен хьалхарча бетта, «Сердало» газето яздаьдар цох. Хетаргахьа, цу хана цхьацца кхоачамбоацараш юкъеденна, кхы дӀахо ца даржаш дисадар из гӀулакх.
