Мефедрон яхача наркотико корта бохабаь волаш, машин лехкаш лийнначун гӏулакх тохкаш да ӏаьдал
Мефедрон яхача наркотико лерттӏача доалара ваьккха, «Лада Гранта» машина лехкаш хиннар ӏаьдала духьалъоттаргва. Из хоам «Сердалога» бера МВД болхлошкара.
Россе МВД «Магӏалбик» яхача МО болхлоша, иштта Россе ВОГ МВД къахьегамхоша теркалдир, машин лехкаш лела цу шахьарера вахархо дукха тешаме воацилга. Корта бохабаьча хӏамах волга гуш дар из. ӏаьдала болхлоша лорий экспертизах чакхвала аьлча, геттара чӏоагӏа корзагӏваьнна, тоам боаца къамаьл деш хьайзар из. Чухьежача МВД болхлошта машина чура цхьа ший тайпара хьаж йоагӏа кӏай хӏама чуйоалла килёнка ботт корабир.
Тохкама болх дӏабихьача, гучадаьлар из мефедрон яха 1,05 грамм наркотик йолга. Машин ӏаьдала болхлоша ӏочуйигар шахьарерча МВД МО моттиге. Хӏаьта из лоаллаш ваьгӏар бехктокхаме озаргва РФ КоАП 1-ча д. 6:9 ст. хьежжа (наркотик дегӏаца йолаш хиларах), иштта 1-ча д. 19:3 ст. хьежжа (полице болхлошта духьале ярах). Рф УК 1-ча даькъа 228-ча статьях гӏулакх хьадийллар цунна духьала ӏаьдало.
