ОВЗ лазараш долча наха молхашца Ӏалашо яр меттаоттадир
ГӏалгӀайче, прокуратура юкъееначул тӀехьагӀа, заӀапхочун молхашца Ӏалашо яра бокъо меттаоттайир, яхаш, дийцар «Сердало» газетага мехка тӀахьожама болхлоша.
«ГӏалгӀай Республикан прокуратура, моттигерча вахархочун йоагӀаш йола молхаш хьа ца луш хиларца дувзаденна дош кхоачашдир, тӀахьожама болх дӀабахьарца. Гуш дар из 1-ча группан заӀапхо волга, цунна лазар хилар а иштта «Эпостим» яха молха даим мела езаш а, из молха цунна мах боацаш лоаттае езаш а хилар. Бакъда эшача боараме из цунна дӀалуш хиннаяц», - аьлар хоамо.
Прокуратуро «Наьсарен кхален центральни дарбанчен» ГБУЗ керттерча лора, республикан унахцӀенон Министерствонна из хьал хьалхадаьккхар.
Иштта цун дарба деш вола лор а административни бехктокхаме оттаваьв. ТӀахьожа боахам юкъебарах, нийсхо йолаш дӀадийрзар, могашал яйнача сагá цу молхашца Ӏалашо йир.
Цул совгӀа, 2025 шера цунна Ӏалашо ергья, кхыча эшача молхашца.
