Берашта доагӀа ахча хьаэца гӀо дир, вай мехкарча яхархочунна
22.04.2024 12:11
Сага бокъонаш лораярах болча оагӀон болхлой оарцагӀбовларах, бер дарах доагӀаш хинна, Вахара ганзо хьа ца луш лаьтта ахча хьадоладалийта аьттув баьлар, вай республикерча яхархочун. Дезала кхычахьара хьатӀадоагӀаш дола ахча лакхача боараме да, аьнна, бера доагӀа ахча хьаэца бокъо йийхка хиннай кхалсага.
«Сои са цӀен-даи таханарча дийнахьа балха дац. ЦӀен-даьна пенси доагӀа, хӀаьта аз берашта ахча ийду. Вахара ганза болхлоша бера ахча дагӀац алар харцахьа лоархӀ аз, хӀана аьлча тхона таханарча дийнахьа хьатӀадоагӀаш дола ахча иштта дукха дац», - язду кхалсага, оарц дехача каьхата тӀа.
Сага бокъонаш лораярах болча оагӀон болхлоша из гӀулакх техкар, кхалсага из ахча доагӀаш да, аьнна, соцам баь; 15 эзари 833 соми хьахьожадир.
