92 шу даьннача яхархочун пенси меттаоттадир мехка
26.08.2025 10:34
Прокуратуран болхлой оарцагӀбаьнна, пенси меттаоттадир 92 шу даьннача яхархочун. Из хоам «Сердалога» бир Ӏаьдала болхлоша.
«Ха дӀаяхарах пенси доагӀаш я кхалсаг. Волгоградски областерча РФ пенсионни ганза болхлоша дӀабихьача балхах 12,5 эзар сом кӀезигагӀа даьдар цун пенси. Хьакимаша шеко яьр дар 1974- 1978-ча шерашка цо баьча балхах хинна алапи», - йоах тхога бенача хоамо.
Магасерча прокуратуран болхлоша тохкама болх дӀабихьа, кхалсага пенси ше юххьанца хиннача беса моттаоттаде, аьнна, соцам бир; цул совгӀа, шоаш соцадаь мел хиннар хьадала декхарийла ба уж. Судо цу соцама гӀулакх бакъдир. Бокъо йоацаш цу юкъа соцадаь мел лаьтта 465 эзар сом ахча хьадайтар цунна.
