ГӀалгӀай Республикан сага бокъонех волча викала аппаратага даьча дехарах гуш хилар пенси ийдеш волча, ха яьннача сага 2024 шу чакхдоалаш пенси лохдаь хилар.

«Са 80 шу даьннад. Се мел ваха къахьегаш хьавенав со, пенсе вахачул тӀехьагӀа а. Сона доагӀаш дола пенси лохдар нийса дац», - аьннад цо ший дехар тӀа.

«Сердало» газета ховш ма хиллара, сага бокъонех волча викала аппарате пенсионера гӀулакх техкачул тӀехьагӀа цун пенси меттаоттадир 31 эзар 668 сом хургдолаш.

Цун соцадаь лаьтта пенси а цу юкъедолаш, республикан вахархочо хӀанз шийна бокъонах доагӀаш дола пенси хьаийдергда», - аьлар ГӀалгӀайчен УПЧ.