Уголовни гӀулакх хьадийллар 278,5 млн сома маьха хьу тийдачунна
17.07.2024 11:17
ГӀалгӀайчен Шолжа кхале МВД тохкамхоша уголовни гӀулакх хьадийллар, бокъо доацаш 278,5 млн сом мах бола хьу тедарах, яхаш, дийцар «Сердало» газетага мехка бокъонаш лораераша.
«Уголовни гӀулакх дӀахьош, тохкаш да Оалкама юххе, 2024 шера бекарга бетта 185 попа, 2 хьеха хи тийда хилара гӀулакх. Цу тайпара, 278,5 млн сом зе хиннад цох «Шолжа хьу» ГКУ боахама», - йоах хоамо.
ХӀанз укх сахьате, из зулам даь саг лохаш ва. ХьалхагӀа, «Сердало» газета яздаьдар «Ӏаьржа хьу тедархой» бехктокхаме эза хиларах.
