ХӀама йохкара гӀулакх дикка айлуш латт вай мехка
ХӀама йохкара гӀулакх 2024-ча шера, Ӏан хьалхара - ахкан тӀеххьара бетташ хьаийцача, 37055,7 млн сома тӀа латт. ДӀадахача шера хиннача таьрахьашца нийсдича, укх шера 104,2% хул из. Из хоам «Сердалога» бир Къилбаседа Кавказстатера.
«ЗӀамига, йоккха йолча моттигаша хӀама дохкар хьаийцача, цунга кхоач 10,1%, базарашка, ярмаркашка дохкачунга - 47,8%, йоккха йоацача бизнесага кхоач - 42,1%», - йоах хоамо.
Укх шерарча Ӏан хьалхарча-ахкан тӀеххьарча бетта 18880,9 млн сом мах бола кхача бехкаб, шийца хиш, гӀаьленаш дӀалаьрхӀача. 8,6% дӀадахача шера хинначул дукхагӀа ба из. Даарца дувзаденна доаца хӀама дохкар Ӏан хьалхарча – ахкан шоллагӀча бетташка соахка цу хана хинначул 18,0% дукхагӀа хиннад. Ахчанца лаьрхӀача, из да 18174, 8 млн сом.
Мах беча моттигашка, юкъера лаьрхӀача, 2024 шера Ӏан хьалхарча – ахкан тӀеххьарча бетташка цхьан сагага дехкар дикка лакхденнад, 8854,0 сомага кхаьчад из, 2023 шера цу юкъа из дар 7954,9 сом.
