Хала лазар дола бер дерзадир лораша
Халача хьале долаш малхадаьнна бер, меттадоаладе гӀерташ къахьегаш хилар республикерча перинатальни моттигера лораш. Из хоам «Сердалога» бир мехка кабминера.
«Фу дича дикагӀа хургдар, яхаш, дукха дӀа-хьа дийца; дӀаболабир оаха тхоай болх. Даьла къахетамца, деррига дика дӀадийрзар», - аьлар хӀетта хьадаьча берий анестезиологех, реанимацех болча оагӀонна кулгал деча Доврбиканаькъан Мухьмада.
Бер ханал хьалха малхадаьннад. УнахцӀенон гӀулакх чоалхане дийрзар цун, наьна кер чу доаллача хана. Шергашта лазар хинна, телхар деррига.
Бера хьал чӀоагӀа хала дар: цун че лазар долаш яр, цул совгӀа, ханал хьалха малхадаьннадар из. Даьла къахетамца, лораша шоай болх нийса дӀабахьарах, дика чакхдаьлар деррига. Нана эттӀаяь, хьалъийцар бер. Ший нанна уллув да из тахан, хӀара денна кӀезиг-кӀезига меттадоагӀаш латт. Иразе, беркате хилда цун вахар!
