Гуманитарно-технически колледже дийша баьннарашта, дипломаш дӀаделар
Вай мехка дипломаш дlаделар Гуманитарно-технически колледже дийша баьннарашта, яхаш, дийцар хьехархоша «Сердало» газетага.
«Укх деношка «Бокъонаш лораяра болх» яхача балха говзалах дийша ваьннача 55 сага дипломаш дӀаделар. Дика дийша хиларах Цӏе диплом делар Овшанаькъан Мадинайна, Шакренаькъан Дианайна, Лаьнанаькъан Тамарайна, Амхаданаькъан Линдайна», - аьлар хоамо.
«Тахан оаха доаккхал ду шух! Шун дипломаш - уж духхьал каьхаташ хинна Ӏац. Уж оаш дийша хилара, хьаькъал совдоаккхаш шо хилара тешал да.
Шоашта бенна кхетам, керда дешар вай наха пайда баргболча юкъедоаладеш хила», - аьлар ИнгГУ ректора гӀонча волча Дзовранаькъан Мухьмада.
Кхетаче йистейоалаш, выпускникаша а баркал аьлар хьехархошта цар къахьегамах.
Белгалду, дешархой из тоаба массарел дикагӀа хилар, кхелахошка хаьттача.
