ГӏалгӀай мехка паспорташ дӀаделар «Тхо - Россе гражданаш да» яхача проекта чудоагӀаш
24.02.2025 15:54
ГӏалгӀайче лаьрххӀа кхетаче йир, хьалхара паспорташ дӀалуш, «Тхо-Россе гражданаш да» яхача проекта чудоагӀаш. Кхетаче дӀайихьар Юкъерча Ачалкхен №15 йолча ишколе, цига ГӏалгӀай Республике гӀолла йолча Россе СК лоткъама урхаллен кулгалхочун гӀончас Горчханаькъан Ӏумара къонача гражданашта керттера каьхат дӀаделар, яхаш, дийцар «Сердало» газетага лаьрххӀача хоамо.
«Вай мехка гражданаш шо хиларах, оаш тӀаэц боккха бехктокхам. Шух хӀаране декхар да-Россе цӀи сий долаш лелаяр,паччахьалкхен законаш лорадар, вай Даьхен хургдолчун даькъ тӀа дика къахьегар», - аьлар паспорт хьаэцара лерхӀам беш Абубакара Ӏумара.
Из ди дицлургдоацаш дусаргда берий дегашка,кердача таронашка вуга никъ санна.
