Дзюдох вола дунен чемпион Хамхой Ӏаддал-Рахьим тӏаэцаш хилар мехка
03.09.2025 16:49
Дунен чемпион волча Ӏаддал-Рахьима духьалбахар мехкахой «Магас» аэропорте. Из хоам «Сердалога» бир Яндарерча ФОКе.
«Иштта белгалваларах спортсмен даькъала вувца Шолжа-Шахьаре вена хилар Наьсарен кхален администрацена хьалха латта Исмайланаькъан Амиран, «Чемпион» яхача ФОКа кулгал деш вола Чӏасанаькъан Илез, иштта спортсмена гаргара нах, новкъостий. Болгаре дӏайихьача яхьашкара котало яхьаш цӏакхаьча спортсмен даькъалавийцар цар, доккха баркал оалаш», - дийцар тха газетага.
Дунен спорта арене вай мохк дӏабовзийташ къахьийгача Ӏаддал-Рахьимах доаккхал деш вар хӏаравар. Иштта доккха баркал аьлар цунна хьехаш хиннача тренера Цӏечой Селима. Котало яхьаш воагӏа спортсмен санна, гӏадбахарца тӏаийцар из а.
