ГӀалгӀай мехка хоржаш ва халкъа участкови
11.09.2024 13:09
ГӀалгӀай мехка дӀайолаеннай «Халкъа участкови-2024» яха яхь. Республикан хӀара вахархочун таро я шийна бакъахьа хетар хоржаш кхадж тасса. Россе МВД лаьрххӀача сайта тӀа берригача доакъашхоех бола хоам хургба.
«Кхадж тессарашта ховш хургда хӀара доакъашхочо масса зулам техкад, цунна карагӀдаьннар фуд, цун оамал, цунца балха болча наха цунна мишта тешал ду», - аьлар «Сердало» газетага ГӀалгӀайчен МВД зарбан болх лелабераша.
«Халкъа участкови» яха проект тӀаерзаяь я бокъонаш лораераша юкъарлонца бувзам дика лелабайтара; полице, наха бувзам болаш беш бола болх дикагӀа хилийтара, иштта полице болх хьаллацара.
