Веннача СВО доакъашхочун фусам-наьна унахцӀенонга хьежар
18.03.2025 09:58
ГӀалгӀайчен «Даьхен лорбой» ганза филиала новкъостал а деш, дарба дир ЛаьрххӀача операце веннача бӀухочун Курскенаькъан Мухьмада фусам-нанна, яхаш, дийцар «Сердало» газетага.
«Вахара хьалашка хьожаш йолча Саккхаланаькъан Азас хьалхарча деношка денз тӀахьожам лоаттабу МагӀалбикерча Курскенаькъан дезала. ТӀехьарча хана бӀухочун фусама-нана дегацарча лазара латкъаш яр. Ганза болхлочо из массанахьа лорашка чакхъяьккхар», - аьлар хоамо.
Хоамо яхачох, МагӀалбикерча дарбанче цу кхалсага доагӀаш дола дарба дергдолаш да.
