ЕГЭ дӀалуш, нийсхал яьккхар дешархочо
Илдарха-ГӀалий тӀарча № 1 йолча ишколе тамашийна хӀама нийсделар Дидиганаькъан Денеца. Химех йолча экзаменах 99 балл оттаяь дешархо цу тӀа сацанзар.
«Дени духхьал толашагӀа вола дешархо хинна Ӏац, математиках йолча олимпиадашка котало йоахаш, НИУ ВШЭ кейс-чемпионата лауреат волаш, дешаш хиннав из. Хьаькъал, низ хиларо, къахьегама тӀера хиларо тоадаьд цун гӀулакх», - дийцар «Сердалога» цу оагӀонцарча министерстве.
Аппеляценна ший болх цо чубалар нийса хилар. Дикка техкача цу оагӀонцарча болхлоша соцам бир, эггара хьалхара баллаш нийса йоацилга, 100 балл оттайир Дене балха. Цу гӀулакхо хьагойт, кхетам лакха хиларал совгӀа, дешархо ший хӀаман доал де ховш волга.
Эггара халагӀа лоархӀаш йолча химех лакхера баллаш оттаяр дешархо дика дешаш хьавенилга да. Дуккханешта дика масал да из. Дешархошта ховргда, тӀахьожам берашта юкъе нийсхо лоаттаераш болга. Ший хӀаман тӀехьа нийсхал яккха хьожаш хила веза саг, диканца из чакхдаргдолгах дог тийша волаш.
