ЕГЭ юхалуш хургба мехкара дешархой белггаларча хана
25.06.2025 12:32
Хьахержача цхьан Iилмах ЕГЭ юхалуш хургба дешархой хьатIабоагIача бетта. Из хоам «Сердалога» бир дешареи Iилмани гIулакхех йолча министерстве.
«ХьатIабоагIача бетта 3-ча, 4-ча деношка юхалургья ЕГЭ. Чакхвалара баллаш йола бераш да цу юкъе хургдараш. Хьалхарча дийнахьа хургья литература, информатика, эрсий мотт, физика, хими, биологи, доазол арар метташ (йоазон болх). Цул тIехьагIа экзамен юхалуш хургба истори, обществознани, географи, математика, доазол арара метташ (дадувцара хьисапе) хержараш», - йоах тхогарча хоамо.
Кердача бетта 3-ча дийнахьа экзамен дIаяла лерхIараша 25-30 денош чулоацаш чудала деза дехар, хIаьта 4-ча дийнахьа дIалураша укх беттара 26- гIа ди, тIабоагIача беттара 1-гIа ди чулоацаш дала деза дехар.
