ГIалгIай мехка хилар Коми Республикан паччахьалкхен ансамбль
Укх деношка, Коми Республикан Морозова В. цIерагIча «Асъя кыа» ашарий, халхарий паччахьалкхен ансамбла концерт хилар Наьсарен культуран цIагIа, яхаш, дийцар «Сердало» газета корреспондентага ГIалгIайчен культуран Министерствос.
«Ансамбла 85 шу дизара цIай дездеш хиларах, хьажархой таро хилар «ГIибухе - тха мохк» яхаш цIи йолча концертни программага хьажа. Цу культуран керттердар, къулбехьен кхалешка дахача къамий бIаьшерашка этта дола Iадаташ довзийтар дар. Кхыча къамий викалашца вIашагIкхетараш хилар цига наьха», - аьлар кепайоазонга хоам баьчо.
Кхетаче йистейоалаш, министра гIончас Куртой Маккас, министра Лаьнанаькъан Залинай цIерагIа, моаршал хоатташ дешаш аьлар, цо даькъалайийцар 85 шу дизарца кхоллама тоаба. Кхоллама наькъ тIа толамаш даха аьттув хилба шун, даим шо дезаш, шуга хьежаш хилба нах, аьлар цо, ловца боаккхаш.
