«ГӏалгӀайчен УФАСа массайолча хана тӀахьожам лоаттабу, паччахьалкхен дарбанчешка лорий балха эшаш дола гӀирсаш ийдеча даькъ тӀа. Цу тайпара, 2024 шера Урхаллено гучадаьккхар, паччахьалкхен дарбан гӀирсаш эцача хана, унахцӀено лораеча моттигашка 1148 кхоачамбоацар далийта хилар, из бахьан долаш 710 000 сома гӀод техар бехке болча гӀулакхерча наха, уж административни бехктокхаме озара болх дӀахо дӀахьош ба.

ДукхагӀча даькъе кхоачамбоацараш нийсделар республикански керттерча дарбанчен (ИРКБ) оагӀорахьара.

Республикан прокуратураца цхьана дӀабихьача тӀахьожама балха юкъе гуш да, 2024 шера лорий дарбанче 700 контракт совгӀа оттаяь хилар, шоашца дохкара-эцара гӀулакхаш доацаш, цунца дувзаденна хаттараш да цу моттигага», - йоах хоамо.

Иштта белгалдир, мах бара хьалаш лакха леладеча ханашка, уж санна дола лорий урхалленашка эшаш дола гӀирсаш эцара болх къайлагӀа боацаш дӀабахьаро, царга дӀадахар а дикка кӀезигагӀа хилийта мегар.

Мехка цу балхашта тӀахьожам лоаттабераша а шоай оагӀорахьа белгалдир, каьхаташ тӀа а цхьацца дола кхоачамбоацараш нийсденна хилар. Лоаттадеча товарах бола мах дӀабалара дош гаьнадаргдарех да, цунца дувзаденна, из товар лоаттадерий оагӀорахьара судага гӀолла дӀадехараш хила йиш я, цунца цхьана миллионаш ахча даккха тарлу, судаца из къоастадеш хилча.

Хоам бу, Урхаллено, ГӀалгӀай Республикан унахцӀенон Министерствос цхьана из хьал аттача даккхара болх дӀахьош ба, лорий дарбанчен оагӀорахьара цу тайпара хьал кхы нийслургдоацаш. Наха иштта хьалхадоаккх, дарбанчешка молхаш хилийтара тӀахьожам лоаттабар Россе, ГӀалгӀайчен УФАСа чудоагӀаш доацилга.