Бокъо йоацача тайпара компьютерашкара хоамаш гулдеш, уж доаржадеш хиннар гучаваьлар ӏаьдала
Гӏалгӏай Республикерча Россе УФСБ болхлошта гучаваьлар, бокъо йоаца хӏама леладеш хинна 49 шу даьнна ПКК «Роскадастр» яхача филиала болхло. Из хоам «Сердалога» бир ӏаьдала болхлоша. Доаржаде бокъо йоацаш хинна хӏамаш компьютерашкара гулдеш, кхыча моттигашщка дӏакхахьийтарах бехке веш ва тахан из саг.
«2025-ча шера тушола беттагара лайчилла беттага кхаччалца йолча хана, ший балха тӏа волаш, «Гӏишлой паччахьалкхен цаӏ йола реестр» яхача федеральни паччахьалкхен хоамий оагӏон тӏарча хоамашта, кхыдарашта ший телефонаца сурташ доахаш, мехкарча наьха гӏулакхашцара хоамаш, цар цӏерах латташ дола хӏама гучадоаккхаш, кхыбарашта юкъе из деррига доаржадаьд цо», - йоах хоамо.
МВД болхлоша гӏулакх хьадийллад цу сага духьала. Тохкама болх дӏахо дӏахьош ба тахан.
