Закон толхадеш, арахьара тӀавена ворхӀ саг хиннав вайцига
ГӀалгӀайчен бокъонаш лораераша гучадаьккхар, Наьсарен-Шахьаре бокъонаш телхаеш вена, ворхӀ саг хилар. Из гучадаьлар, миграцен даькъ тӀа зуламаш деш, законаш телхадеш моттиг йий хьожаш, хьем боаццаш-профилактически болх дӀахьоча хана. Из болх дӀабихьараш бар, миграце хаттарех йолча урхаллен иммиграционни тӀахьожам лоаттабара отдела, иштта ГӀалгӀай Республике гӀолла йолча МВД наха низ барца къовсам лоатабара Центра, моттигерча Россе УФСБ болхлой.
«Из болх дӀахьош, полици хьежар Узбекистанерча 24 сага каьхаташ нийса дий. Цу юкъе ворхӀ саг Российски Федераце чувала бокъо йолаш хиннавац», - аьлар «Сердало» газетага хоам баьраша.
ГӀалгӀайчен бокъонаш лораерашта хьалхадаьккхар, укх мехка ваха бокъо йоацаш вола кхыча паччахьалкхен саг административни оагӀорахьара Россера араваккха везаш хилар. Нагахьа санна цо сага ше из ший ханнахьа хьа ца дойя, цунна гӀод тохаргда, лаьрххӀача моттиге чу а волларгва, цул тӀехьагӀа низагӀа мехкара ара а воаккхаргва.
