Вайцига 14,5 млн сом Ӏаьдала ахча лочкъадаьд
13.06.2024 16:09
ГӀалгӀай Республике гӀолла йолча МВД экономически кхерамзлен, коррупцена духьаларча урхаллен болхлоша белгалдир, Наьсарен кхален цхьан дешара моттигерча кулгалхочо, ший декхараш кхоачашдеш, массехк бокъо телхаяь хилар, яхаш, дийцар «Сердало» газетага мехка бокъонаш лораераша.
Полице яхачох, 2023 шера цу сага ООО генеральни директорца 27 договор оттадаьд из мах болаш. ГӀирсаш доацаш дале а, контракташ кхоачашъяьй, аьнна, каьхаташ кийчдаьд цар. Цу тайпара ГӀалгӀай Республикера 14,4 миллион сом дӀахьожадаьд.
Цхьа ха яьлча, цу наха из ахча шоайла дийкъад», - аьлар хьабайтача хоамо.
