Бокъонаш телхаеш, шийгара газ дӀахетта моттиг гучаяьлар
31.05.2024 17:02
Доагора-энергетически гӀишлой даькъ тӀа тӀахьожама болх дӀахьоча хана, Илдарха-ГӀалий тӀа цхьан цӀагӀа гучадаьлар, бокъо йоацаш, газ дӀа-юха хьожаеш йолча моттигах шоай лоӀамагӀа турба дӀахетта хилар.
Из харц гӀулакх леладеш йола моттигера кхалсаг, бокъонаш лораерашта хьалха нийсъелар, яхаш, дувц «Сердало» газетага ГӀалгӀай Республике гӀолла йолча Россе МВД зарбан болх лелабераша.
ДӀадахача шера, из кхалсаг административни бехктокхаме эзаяр, цу тайпара хӀама цунгара гучадаларах. Укх наькъа цо даь зулам РФ УК 215.З 1 ст чудоагӀаш да (хьалха цу тайпара зулам даь хиларах административни бехктокхаме оттаваьча сага шийгара газ дӀахоттар)», - аьлар тхоца къамаьл даьчо.
