Доазол арахьара нах бокъо йоацача тайпара республике дӀаязбаь хилар гучадаьлар
17.09.2024 10:14
Доазол арахьара хьачувена кхо саг, Ӏаьдала бокъоно дӀадеххача тайпара мехка Ӏеш цахилар гучадаьлар Илдарха-ГӀалий тӀа. Цар каьхаташка хьежа тохкам бича, гучадаьлар дӀаязбаьча моттигашка уж бахаш боацилга.
«Полице болхлоша дӀабихьача балхо хьахьекхар, ГӀуозлой мехкара кхо саг бокъо йоацача тайпара Илдарха-ГӀалий тӀа Ӏеш волга. Промыслови оалача урам тӀа латтача вагончика чу хиннаб уж бахаш, хӀаьта бахаш ба аьнна дӀаязбаь Наьсара-Керте вахача сага адресах хиннаб». Из хоам «Сердалога» бир МВД болхлоша.
Россе УК 322.3 йолча статьях бехктокхаме озаргва ший цӀагӀа бахаш беце а, уж нах бахаш ба аьнна дӀаязбаь саг.
